Pwy all beidio canu moliant iddo ef?

Pwy all beidio canu
moliant iddo ef?
Y mae Brenin Seion
wedi dod i’r dref.

Moliant, moliant,
rhaid i blant roi moliant,
moliant, moliant iddo ef,
moliant iddo ef, moliant iddo ef.

Taenu wnawn ein gwisgoedd
gorau ar y ffyrdd,
taflwn ar ei lwybrau
gangau’r palmwydd gwyrdd.

Ar ei ebol asyn
O mor fwyn y daw;
fe all plentyn bychan
gydio yn ei law.

Gydag ef i Salem
awn yn llon ac iach:
y mae Iesu’n ennill
calon plentyn bach.

NANTLAIS, 1874-1959 (© Yr Athro S. Nantlais Williams. Defnyddir drwy ganiatâd.)

(Caneuon Ffydd 391)