Ein gwefannau eraill: ysgolsul.com beibl.net gair.cymru

gobaith.cymru

Iesu hawddgar, rho dy feddwl

Iesu hawddgar, rho dy feddwl
anhunanol ynof fi,
fel y parchaf eiddo eraill
megis ag y gwnaethost ti:
gostyngedig fuost beunydd
ac yn ddibris buost fyw;
dyrchafedig wyt ym mhobman
am ymwadu â ffurf Duw.

Gwn dy wneuthur ar lun dynion;
ar ffurf gwas y treuliaist d’oes
a’th ddarostwng di dy hunan,
ufuddhau hyd angau’r groes:
ti biau’r enw uwch pob enw,
iti plyg pob glin drwy’r wlad;
fe’th gyffesŵn di yn Arglwydd
er gogoniant Duw ein Tad.

O. M. LLOYD, 1910-80 © Gwyn M. Lloyd Defnyddiwyd drwy ganiatâd.

(Caneuon Ffydd: 341)

PowerPoint
  • Gwenda Jenkins,
  • February 16, 2016