Gobaith

Dirion Dad, O gwrando’n gweddi

Dirion Dad, O gwrando’n gweddi,
gweld dy wedd sy’n ymlid braw;
dyro obaith trech na thristwch,
cynnal ni yn nydd y praw;
try ein gwendid
yn gadernid yn dy law.

Ti all droi’r ystorm yn fendith
i’n heneidiau blin a gwyw;
gennyt ti mae’r feddyginiaeth,
sydd a’i rhin yn gwella’n briw;
grym dy gariad
inni’n brofiad, digon yw.

Cymorth ni i fod yn barod
pan ddaw teithio’r byd i ben;
yn dy gwmni nid rhaid ofni’r
alwad o’r tu hwnt i’r llen;
porth fydd angau
i drigfannau nefoedd wen.

TUDOR DAVIES © Gwyn T. Davies. Defnyddiwyd drwy ganiatâd.

(Caneuon Ffydd: 703)

PowerPoint
  • Gwenda Jenkins,
  • March 11, 2016