logo

Ein gwefannau eraill: ysgolsul.com beibl.net gair.cymru

gobaith.cymru

Wele fi yn dyfod

“Wele fi yn dyfod,”
llefai’r Meichiau gwiw;
atsain creigiau Salem,
“Dyfod y mae Duw.”
Gedy anfeidrol fawredd
nef y nef yn awr;
ar awelon cariad
brysia i barthau’r llawr.

Pa ryw fwyn beroriaeth
draidd yn awr drwy’r nen?
Pa ryw waredigaeth
heddiw ddaeth i ben?
Miloedd o angylion
yno’n seinio sydd,
“Ganwyd y Meseia,
heddiw daeth y dydd.”

Dyma’r Hollalluog
heddiw inni’n Frawd;
dyma holl drysorau
Duwdod yn y cnawd.
Moroedd rhad drugaredd
lanwodd dros y llawr,
perlau gwlad gogoniant
heddiw ddaeth i lawr.

IEUAN GWYLLT, 1822-77

(Caneuon Ffydd 454)

PowerPoint