logo

Ein gwefannau eraill: ysgolsul.com beibl.net gair.cymru

gobaith.cymru

Ti yr hwn sy’n fôr o gariad

Ti yr hwn sy’n fôr o gariad
ac yn galon fwy na’r byd,
ar y ddau a blethodd gwlwm
boed dy fendith di o hyd:
bydd yn gwmni yn eu hymyl,
bydd yn gysgod drwy eu hoes,
ac ar lwybrau dyrys bywyd
nertha’r ddau i barchu’r groes.

Yn yr haul ac yn yr awel
pan fo’r byd i gyd yn gân,
dan demtasiwn dydd o hawddfyd,
cadw’r ddau yn bur a glân;
a phe chwalai storm a chorwynt
wynfyd dau yn deilchion trist,
tyn hwy’n nes o hyd mewn cariad
o dan gariad Iesu Grist.

J. EIRIAN DAVIES, 1918-98 © Siôn Eirian

(Caneuon Ffydd: 657)

PowerPoint
  • Gwenda Jenkins,
  • January 18, 2016