Ein gwefannau eraill: ysgolsul.com beibl.net gair.cymru

gobaith.cymru

Pan glywir sŵn chwalu cadwynau o draw

Pan glywir sŵn chwalu cadwynau o draw
a hedd yn teyrnasu lle cynt y bu braw,
fe wyddom fod yntau ar ymdaith o hyd,
yr hwn sy’n ddyhead cenhedloedd y byd.

Pan glywir y moliant yn dod dros y don
a’r weddi o’r carchar heb ddig dan y fron,
fe wyddom fod yntau ar ymdaith o hyd,
yr hwn sy’n ddyhead cenhedloedd y byd.

Mor dawel yw’r moliant a’r weddi’n ein tir,
a’r anghrist celwyddog yn atal y gwir:
tyrd atom yn fuan, tyrd atom mewn pryd,
yr hwn sy’n ddyhead cenhedloedd y byd.

Pan glywir yr utgorn yn seinio’n y nef
a chyrrau’r holl ddaear yn clywed ei lef,
dwg dithau, O Gymru, dy drysor i gyd
at Iesu, dyhead cenhedloedd y byd.

NOEL GIBBARD. Defnyddiwyd drwy ganiatâd.

(Caneuon Ffydd: 845)

PowerPoint
  • Gwenda Jenkins,
  • February 16, 2016