Mae’r nefoedd faith uwchben

Mae’r nefoedd faith uwchben
yn datgan mawredd Duw,
mae’r haul a’r lloer a’r sêr i gyd
yn dweud mai rhyfedd yw.

Fe draetha dydd i ddydd
a nos i nos o hyd
ymhob rhyw faith, ymhob rhyw le,
am Grëwr doeth y byd.

Ond yn ei gyfraith lân
fe’i dengys Duw ei hun
yn Dduw mewn cymod drwy ei Fab
â gwael, golledig ddyn.

O boed fy ngeiriau oll
a’m calon, O fy Nuw,
yn gymeradwy ger dy fron
tra bwy’n y byd yn byw.

EVAN GRIFFITHS, 1795-1873

(Caneuon Ffydd 4)