Hosanna fyth! Mae gennyf Frawd

Hosanna fyth! Mae gennyf Frawd
sy’n cofio’r tlawd a’i gŵynion,
profedig wyf o’r dwyfol hedd
a’i annwyl wedd mor dirion.

Fy nghalon wan, mae un a ŵyr
yn llwyr dy holl anghenion,
ac ymhyfrydu mae o hyd
i ddwyn it ddrud fendithion.

O tyrd yn awr, Waredwr da,
teyrnasa ymhob calon,
ym mywyd pawb myn orsedd wen
ac ar dy ben bo’r goron.

MORGAN A. JONES, 1876-1944

(Caneuon Ffydd 298)