Ein gwefannau eraill: ysgolsul.com beibl.net gair.cymru

gobaith.cymru

Er maint yw chwerw boen y byd

Er maint yw chwerw boen y byd
mi rof fy mryd ar Iesu,
ac er pob cystudd trwm a loes
mi dreulia’ f’oes i’w garu.

Ni welais gyfaill dan y sêr
mor dyner ag yw Iesu;
‘rwy’n penderfynu treulio f’oes
i ddwyn ei groes dan ganu.

Ni theimlais ddim gofidiau dwys
wrth roi fy mhwys ar Iesu;
am hyn dymuna f’enaid fod
yn barod i’w was’naethu.

Ymhob rhyw gyfyngderau blin
caf laeth a gwin gan Iesu;
mae’n ennill serch f’enaid gwan
o bob rhyw fan i’w garu.

IEUAN GWYNEDD, 1820-52

(Caneuon Ffydd 299)

PowerPoint

 

  • Gwenda Jenkins,
  • March 13, 2015