logo

Ein gwefannau eraill: ysgolsul.com beibl.net gair.cymru

gobaith.cymru

Dilynaf fy Mugail drwy f’oes

Dilynaf fy Mugail drwy f’oes,
er amarch a gw’radwydd y byd;
a dygaf ei ddirmyg a’i groes,
gan dynnu i’r nefoedd o hyd;
mi rodiaf, drwy gymorth ei ras,
y llwybyr a gerddodd efe;
nid rhyfedd os gwawdir y gwas,
cans gwawd gafodd Arglwydd y ne’.

Nid oes arnaf g’wilydd o’i groes –
ei groes yw fy nghoron o hyd:
ei fywyd i’m gwared a roes
fy Ngheidwad a’m prynodd mor ddrud;
dioddefodd waradwydd a phoen,
a’r felltith ar Galfari fryn;
f’anrhydedd yw canlyn yr Oen –
yr Oen a ddioddefodd fel hyn!

BENJAMIN FRANCIS 1734-99

(Caneuon Ffydd 746)

PowerPoint
  • Gwenda Jenkins,
  • March 27, 2015