Gobaith

Cofia’r byd, O Feddyg da

Cofia’r byd, O Feddyg da,
a’i flinderau;
tyrd yn glau, a llwyr iachâ
ei ddoluriau;
cod y bobloedd ar eu traed
i’th was’naethu;
ti a’u prynaist drwy dy waed,
dirion Iesu.

Y mae’r balm o ryfedd rin
yn Gilead,
ac mae yno beraidd win
dwyfol gariad;
yno mae’r Ffisigwr mawr,
deuwch ato
a chydgenwch, deulu’r llawr –
diolch iddo!

J. T. JOB, 1867-1938

(Caneuon Ffydd 846)

PowerPoint
  • Gwenda Jenkins,
  • March 10, 2015