logo

Ein gwefannau eraill: ysgolsul.com beibl.net gair.cymru

gobaith.cymru

Awn at ei orsedd rasol ef

Awn at ei orsedd rasol ef,
dyrchafwn lef i’r lan;
mae’n gwrando pob amddifad gri,
mae’n rhoddi nerth i’r gwan.

Anadla, f’enaid llesg, drwy ffydd,
mae’r ffordd yn rhydd at Dduw;
mae gras yn gymorth hawdd ei gael,
a modd i’r gwael gael byw.

Gerbron y drugareddfa lân
fe gân yr euog rai;
mae iachawdwriaeth Calfarî
yn golchi pob rhyw fai.

RICHARD JONES, 1772-1833

(Caneuon Ffydd 180)

PowerPoint
  • Gwenda Jenkins,
  • March 11, 2015