Ein gwefannau eraill: ysgolsul.com beibl.net gair.cymru

gobaith.cymru

Arglwydd Iesu, bu hir ddisgwyl

Arglwydd Iesu, bu hir ddisgwyl
Am dy enedigaeth di,
I ddwyn golau i fyd tywyll
A thrugaredd Duw i ni.

Ti yw nerth a gobaith pobloedd
Sydd yn wan a llwm eu gwedd,
Ti sy’n rhannu’r fendith nefol,
Ti wyt frenin gras a hedd.

Llywodraetha drwy dy Ysbryd
Ein heneidiau gwamal ffôl,
Helpa ni i annog eraill
I ddarganfod gwres dy gôl.

Ti yw rhodd berffeithiaf bywyd
Ti yw’r mwyaf fu mewn bod
Rhown i tithau foliant llawen
Ti sy’n deilwng o bob clod.

Denzil Ieuan John. Defnyddiwyd trwy ganiatâd.

PowerPoint
  • Gwenda Jenkins,
  • January 19, 2016