logo

Ein gwefannau eraill: ysgolsul.com beibl.net gair.cymru

gobaith.cymru

Anghrediniaeth, gad fi’n llonydd

Anghrediniaeth, gad fi’n llonydd,
onid e mi godaf lef
o’r dyfnderoedd, lle ‘rwy’n gorwedd,
i fyny’n lân i ganol nef;
Brawd sydd yno’n eiriol drosof,
nid wy’n angof nos na dydd,
Brawd a dyr fy holl gadwynau,
Brawd a ddaw â’r caeth yn rhydd.

‘Chydig ffydd, ble ‘rwyt ti’n llechu?
Cymer galon, gwna dy ran;
obaith egwan, ble ‘rwyt tithau?
Tyn dy gledd o blaid y gwan:
anghrediniaeth, ffo o’r llwybyr,
nid rhaid imi frwydro’n hir;
er mai eiddil yw fy enw
eto i gyd ‘rwy’n ennill tir.

DAFYDD WILLIAM 1721?-94

(Caneuon Ffydd 729)

PowerPoint
  • Gwenda Jenkins,
  • March 27, 2015