Ein gwefannau eraill: ysgolsul.com beibl.net gair.cymru

gobaith.cymru

Am fod fy Iesu’n fyw

Am fod fy Iesu’n fyw,
byw hefyd fydd ei saint;
er gorfod dioddef poen a briw,
mawr yw eu braint:
bydd melus glanio draw
‘n ôl bod o don i don,
ac mi rof ffarwel maes o law
i’r ddaear hon.

Ac yna gwyn fy myd
tu draw i’r byd a’r bedd:
caf yno fyw dan foli o hyd
mewn hawddfyd hedd
yng nghwmni’r nefol Oen
heb sôn am bechod mwy,
ond canu am ei ddirfawr boen
byth gyda hwy.

JOHN THOMAS, 1730-1804?

(Caneuon Ffydd 762)

PowerPoint
  • Gwenda Jenkins,
  • March 27, 2015